61 år. Har vore ordførar i Klepp forrige periode.
- Eg er 61 år ung, men begynner likevel å dra på åra. Men utbrent er eg ikkje ennå og stiller derfor opp med ambisjon om å forsetje som ordførar i Klepp. Eg håper at eige parti Høyre vil verta det partiet som mange veljarar vil støtte. Samtidig håper eg personleg på tilstrekkeleg tillit i det direkte ordførarvalet som me skal ha i Klepp.
Hjertesaker
- For meg er det viktig at Klepp sine innbyggjarar er trygge i bygda si. Og då tenkjer eg ikkje primært på kriminalitet, sjølv om det er svært så viktig for oss alle. Nei, med trygghet tenkjer eg på det innbyggjarane er opptekne av i alle livets faser frå barn til alderdom. Trygghet for barn og unge sine behov og ikkje minst trygghet hjå våre sjuke og eldre. Redsel for ikkje å få hjelp når livet går ein imot må me stadig førebyggje mot.
Klepp er kjent for ein god institusjonsteneste og for ein god heimeteneste. Med aukande antal eldre føler me presset på institusjonsplassane og må kompensere med auka ressursar til hjelp i heimane. I slutten av komande valperiode skal derfor ein ny sjukeheim vere på plass ved Kleppetunet.
Eg er oppteken av å sikre eksisterande og skape nye arbeidsplassar. Me må derfor leggje til rette for næringslivet. Det er dei som skapar arbeidsplassane som einkvar familie skal leve av. Opne øyrer for næringslivet sine behov, og god kommunal service og rask saksbehandling må derfor til.
Våre unge må få den kunnskap som trengs for det yrket dei ønskjer. Grunnskulen i Klepp skal ha god tilpassa opplæring for alle elevar uansett kva retning deira interesser går i. Høyre i Klepp vil fortsetje å auke lærardekkinga slik me har gjort gjennom fleire år.
Lag og foreningar står mitt hjarte nært. Dei er limet i eitkvart lokalsamfunn, og me skal vere garantien for fortsatt god støtte til deira investeringar og drift.
Kvifor bør eg bli ordførar i Klepp?
- Er du fornøgd med utviklinga i Klepp dei siste åra synes eg det ikkje er grunn til å skifte ordførar. Eg vil lytte til alle enkeltmenneske sine ønskje og problem. Saman med mange andre ansvarlege politikarar i Klepp skal me i fellesskap sikre god velferd dei neste fire åra.
Redaktør -