Tobias Skretting skildrar med sine frodige tekstar livet og heimstaden på ein lys og inderleg måte når visegruppa Lappeteppe opptrer på Hå gamle prestegard 29. september.
Enkelte har gjennom Torstein Obrestad sine melodiar vorte klassikarar. Plata "Lappeteppe", som kom ut i 2002, vart svært godt motteken. Songen "I hagjen sørføre huset" vart ein hit i NRK lokalen, og har seinare vorte med på "Rogasnadder" og nå i sommar Lokalen si samle-cd.
"Kveldsfred", songe av Kathrine Håland Varhaug, har vore mykje spelt på P1. ”Lappeteppe II” vil bli utgitt i haust. Den rommer 15 nye sangar i spennande arrangement produsert av duoen Tønnesen/Obrestad.
Lappeteppe består av desse musikarane: Anita Bekkeheien, sang, Tobias Skretting, sang, Torstein Obrestad, sang, tangentar, Gunnar Tønnesen, sang, gitarar, Trond Gudmestad, trommer og gitarar, og Oddvar Berentsen, bass, kor.
Når Lappeteppe-ensemblet no trommar saman til heilaftan, vil dei framføra songar frå begge platene.
Det er Hå gamle prestegard som samen med Kulturscena i Hå arrangerar visekvelden. Prisen er 250 kroner, inkludert konsert, matservering og buss. Det går buss frå Nærbø stasjon kl. 19.15, med retur kl. 23.45.
Påmelding til Hå folkebibliotek tlf: 51434011 innan 24. september.
Av Tom Gaudland
Redaktør -